Ad

රතන හිමි හා රාජිත එක්වෙති - නවීන් තනිවෙයි.


ග්ලයිෆොසේට් තහනම නිසා තේ කර්මාන්තයේ මතුව ඇති තත්ත්වය සහ එයට විසඳුම් යෝජනා කිරීම සඳහා කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ අද(27දා) පැවැති විද්වත් සාකච්ඡාවේදී සෞඛ්‍ය අමාත්‍ය රාජිත සේනාරත්න මහතා සහ පාර්ලිමේන්තු මන්ත්‍රී අතුරලියේ රතන හිමියන් එක්ව වැවිලි කර්මාන්ත අමාත්‍ය නවීන් දිසානායක මහතාට විරුද්ධව අදහස් පළ කළහ.

මෙහිදි නවීන් දිසානායක මහතා සඳහන් කළේ ග්ලයිෆොසේට් සම්බන්ධව මේදක්වා නිසි පර්යේෂණයක් සිදුකර නොමැති බැවින් තේ කර්මාන්තයට එය යොදාගත යුතු බවයි. ග්ලයිෆොසේට් සම්බන්ධව පැහැදිලි සාක්ෂි නොමැතිව සෞඛ්‍ය අවදානමක් පෙන්විය නොහැකි බවද ඔහු කීය.

රාජිත සේනාරත්න මහතා මෙහිදීසඳහන් කළේ   ග්ලයිෆොසේට් භාවිතය හේතුවෙන් පිළිකා ඇතිවිය හැකි බවට ලෝක සෞඛ්‍ය සංවිධානය පෙන්වා දී ඇති බවයි.කුඩා තේවතු හිමියන් වල්නාශක ඉල්ලා නොමැති බවත්, තේ කර්මාන්තය සඳහා ග්ලයිෆොසේට් ඉල්ලා සිටිම ගැටලුවක් බවත් ඒමහතා ප්‍රකාශ කළේය.

මෙහිදි අදහස් දැක්වූ අතුරලියේ රතන හිමියන් සඳහන් කළේ ග්ලයිෆොසේට්වල ආසනික් තිබෙන බැවින්  මෙම උග්‍ර විෂ සහිත රසායනිකය භාවිත කිරීම හේතුවෙන් වකුගඩු රෝගීන් බිහිව ඇති බවයි. ග්ලයිෆොසේට් භාවිත කිරීම නිසා තේ වගාව බාල වන බවත්,පසේ සිටින ක්ෂුද්‍ර ජීවීන් විනාශ වන බවත් උන්වහන්සේ පෙන්වා දුන්හ.මෙම අවස්ථාවට සුසිල් ප්‍රේම්ජයන්ත් අමාත්‍යවරයාද එක්ව සිටියේය.

No comments:

AD S

Info Sri Lanka News | Sinhala

info sri lanka news, infosrilankanews, info sri lanka, infosrilanka, infolanka, infolankanews, info lanka news, info lanka news room, info lanka sinhala, sinhala news sri lanka, lanka info sinhala, breaking news sri lanka, sri lanka, sri lanka breaking news, news lanka
Powered by Blogger.