Ad

රටට දරාගත නොහැකි පරිදි ණය ගැනීම නිසා මහින්දට නඩු.


දරාගත නොහැකි දැවැන්ත ණය අර්බුදයක රට හිර කිරීමේ චෝදනාව යටතේ හිටපු ජනාධිපති මහින්ද රාජපක්ෂ මහතාට එරෙහිව නඩු පැවරීමේ හැකියාව සම්බන්ධයෙන් එජාප නීති විශාරදයින් කණ්ඩායමක් මේවනවිට පුළුල් අධ්‍යනයක යෙදී සිටින බව ඉතා විශ්වාසවන්ත කටයුතු ආරංචිමාර්ග වලින් වාර්තාවේ.

මූල්‍ය අවපාලන චෝදනාව යටතේ මහින්ද අත්අඩංගුවට ?

මීට පෙර පැවැති ආණ්ඩුක්‍රම ව්‍යවස්ථාවට අනුව ජනාධිපතිවරයෙක් එසේ අධිකරණය හමුවට ගෙනයා නොහැකි වුවද, 19 වැනි ආණ්ඩුක්‍රම ව්‍යවස්ථා සංශෝධනයෙන් පසු එසේ ඔහුගේ ධුර කාලය තුළ කරන ලද යම් අකටයුත්තක් සම්බන්ධයෙන් නීතිමය පියවර ගැනීමට ඉඩක් ඇති බව එම නීති විශාරදයන් පවසති.

මේ සම්බන්ධයෙන් ඔවුන්ගේ වාර්තාව ලබන සතිය තුල නව අධිකරණ ඇමතිනි තලතා අතුකෝරාල මහත්මිය වෙත බාරදීමට නියමිතව ඇතැයි ද එම ආරංචිමාර්ග පවසයි. 

අධිකරණ ඇමැතිනී තලතා අතුකෝරාල මහත්මිය සමග සාකච්ඡා කිරීමෙන් පසු නීතිපති දෙපාර්තමේන්තුවේ ජ්‍යෙෂ්ඨ නිලධාරීන් සමග ද මේ සම්බන්ධයෙන් සාකච්ජා කිරීමට ඔවුන් තීරණය කර ඇතැයි පැවසේ.

2018 : සමස්ත ආදායම පාහේ ණය ගෙවීමට !

2018 වසරේ සඳහා රජයේ ඇස්තමේන්තුගත සමස්ත ආදායම රුපියල් බිලියන 2200 ක් වන අතර, බදු පනත් සංශෝධන ඇතුළු සියලූ උපාය-උපක්‍රම හරහා එකතු කර ගත හැකි සමස්ත මුදල මීට වැඩි වන්නේ නැත. 

රාජපක්ෂ පාලනය තුල ගත් රාජ්‍ය ණය වෙනුවෙන් පොළී සහ වාරික ගෙවීම ස`දහා පමණක්, 2018 වසරේ දී රුපියල් බිලියන 1,900 ක මුදලක් අවශ්‍ය වී ඇත. 

රජයේ සේවකයන්ගේ වැටුප් සහ දීමනා වලට රුපියල් බිලියන 1,400 ක් අවශ්‍ය වන අතර, ප්‍රාග්ධන වියදම් ස`දහා රුපියල් බිලියන 700 ක් අවශ්‍ය බවට ඇස්තමේන්තු කර ඇත. 

එයින් මාර්ග සංවර්ධනයට පමණක් රුපියල් බිලියන 385 ක් වෙන් කළ යුතුව තිබේ. 

මේ අනුව 2018 වසරේ දී ඇස්තමේන්තුගත වියදම් ස`දහා පමණක් අලූතින් රුපියල් බිලියන 1,800 ක ණයක් ලබාගැනීමට සිදු වන බව මුදල් අමාත්‍යංශ වාර්තා මගින් හෙළි වේ.

2019 වසරේදී ණය කල්පිරීම් නිසා මීට වඩා දැවැන්ත ණය මුදලක් ලබා ගැනීමට සිදු වන බවත්, මේ නිසා රටේ ආර්ථිකය බරපතල අගාධයකට තල්ලූ වීමට ඉඩ ඇති බවත් ආර්ථික විශේෂඥයෝ පෙන්වා දෙති.

No comments:

AD S

Info Sri Lanka News | Sinhala

info sri lanka news, infosrilankanews, info sri lanka, infosrilanka, infolanka, infolankanews, info lanka news, info lanka news room, info lanka sinhala, sinhala news sri lanka, lanka info sinhala, breaking news sri lanka, sri lanka, sri lanka breaking news, news lanka
Powered by Blogger.