Ad

අවසානයේ, උදයංග අත්අඩංගුවට.


රුසියාවේ හිටපු තානාපති සහ මෙරට විශාල මූල්‍ය වංචාවක් වූ මිග් යානා ගනුදෙනුවේ ප්‍රධාන සැකකරුවකු බව කියන උදයංග වීරතුංග ඩුබායිහිදී ජාත්‍යන්තර පොලිසිය මගින් ඊයේ (26) යළි අත්අඩංගුවට ගෙන ඇති බව මූල්‍ය අපරාධ කොට්ඨාස ආරංචිමාර්ග සඳහන් කරයි.

උදයංග වීරතුංග මහතා හිටපු ජනාධිපති මහින්ද රාජපක්ෂ මහතාගේ ඇවැස්ස මස්සිනා කෙනකු වේ.

මීට පෙරද විශේෂ ගමන් බලපත්‍රය තහනමට ලක්වී තිබියදී ඩුබායි සිට ඇමරිකාව බලා යාමට සිටි ඔහු ඩුබායි ගුවන්තොටුපොළේදී එරට ආරක්ෂක අංශ මගින් අත්අඩංගුවට ගෙන තිබිණි. ඒ වන විට උදයංග වීරතුංග වෙනුවෙන් මූල්‍ය අපරාධ කොට්ඨාසයේ ඉල්ලීම මත අධිකරණය මගින් ජාත්‍යන්තර පොලිසිය වෙත නිල් නිවේදනයක් පමණක් නිකුත් කර තිබිණි. ඒ අවස්ථාවේ උදයංග වීරතුංග මෙරටට ගෙන ඒම සඳහා පොලිස් සහ විදේශ කටයුතු අමාත්‍යාංශයේ නිලධාරීන් පිරිසක් ඩුබායි වෙත ගියද ඒ වන විට ඔහු අත්අඩංගුවට ගැනීමට හේතු වී තිබුණේ විදේශ ගමන් බලපත්‍රයේ තහනම නිස‍ා බැවින්  ඩුබායිහි ආරක්ෂක අංශ මගින් ඔහු මෙරටට බාරදී නොතිබුණි. අනතුරුව මෙරටට පැමිණි මූල්‍ය අපරාධ කොට්ඨාස නිලධාරීන් කොටුව මහේස්ත්‍රාත්වරිය වෙත කරුණු වාර්තා කිරීමෙන් පසු උදයංග වීරතුංග වෙනුවෙන් රතු නිවේදනයක් නිකුත් කරනු ලැබිණි.

ඊ‍ට අමතරව උදයංග වීරතුංග මහා පරිමාණ මූල්‍ය වංචාකරුවකු ලෙස නම් කර ජාත්‍යන්තර අපරාධකරුවන්ගේ ජාලයටද ඔහුගේ නම එකතු කරනු ලැබිණි.

[විජයානි එදිරිසිංහ] [www.resa.lk]

AD S

Info Sri Lanka News | Sinhala

info sri lanka news, infosrilankanews, info sri lanka, infosrilanka, infolanka, infolankanews, info lanka news, info lanka news room, info lanka sinhala, sinhala news sri lanka, lanka info sinhala, breaking news sri lanka, sri lanka, sri lanka breaking news, news lanka
Powered by Blogger.