සාගල සාර්ථක වී, එරන්ද අසාර්ථක වූ යොවුන්පුර ඉලක්කය [Gossip]


නව වැනි යොවුන්පුරය ඊයේ (29දා) සවස නිකවැරටිය පශු සම්පත් මණ්ඩල භූමියේදී ආරම්භ විය. එදින සවස් යාමයේ යොවුන් ඇමති සාගලද යෞවන යෞවනියන් අතරට එක් වූයේ සුපුරුදු පරිදි ජැන්ඩියට හැඳ සිනහවෙන් මුව පුරවාගෙනය.

‘පසුගිය ප්‍රාදේශීය සභා මැතිවරණය ගත්තොත් ඒකෙදි තරුණ අය අපට අනාගතය දැනට වඩා වේගවත්ව තහවුරු කරලා දෙන්න කියලා රජයට අනතුරු ඇඟෙව්වා. එනිසා රජය තරුණයො ගැන දැනට වඩා  අවධානය යොමු කරන්න අවශ්‍ය යුගය උදාවෙලා තියෙන්නෙ. තරුණ තරුණියන්ට රටේ අනාගතය ගොඩනැගීම ගැන, රජය දැනටත් වඩා අවධානය යොමු කරන්න අවශ්‍ය කාලය එළඹිලා තියෙනවා. රටේ ආර්ථික දියුණුව කියන්නෙ රට දියුණු කරන්න දමන අඩිතාලම. ඒ දියුණුවත් එකක් වෙන වෙනස්වීම්වලට, අභියෝගවලට අවස්ථාවන් ජයගන්න අවශ්‍ය තරුණ ආකල්ප හා අවස්ථාවන් ගොඩනැගීම අපි ආරම්භ කරන්න ඕන’ සමාරම්භක අවස්ථාවට එක්වෙමින් සාගල කීවේය.

අනතුරුව යොවුන්පුරය ප්‍රදර්ශනය විවෘත කළ සාගල යෞවන යෞවනියන්ගේ ජංගම දුරකථනයන්හි විටින් විට රැඳුණේ නොයෙකුත් හැඩතලවලටය. තරුණ සේවා සභාවේ සභාපති එරංග වැලිඅංගේ, මන්ත්‍රී තුෂාර ඉඳුනිල්ද සමග අතරමගදී යොවුන් සේනාංක ප්‍රදර්ශන කුටියේ වායු රයිෆල් කුටියට පිවිස සාගල ඉලක්කය ගත්තේය. සිය පළමු ඉලක්කයම තිතට, නිවැරදිව ගත් සාගලගේ දෙවැනි ඉලක්කයද එසේම විය.

‘සර් සුපර්බ්. වන් ෂොට් වන්’ දෙපසින් ඇසිණී.

ඊට මද වේලාවකට පසු යුද හමුදා ප්‍රදර්ශන කුටියේදීද සාගල ගත් ඉලක්කය පෙර ලෙසම සාර්ථක විය. අනතුරුව එරංග ඉලක්කය ගත්තේය. කිහිප වරක්ම අසාර්ථක වූ එරංග අවසනයේ දී සාර්ථක විය. තුෂාර ඉඳුනිල්ද එසේම විය. ‘ඔයාත් එන්න, තියන්න’ සාගල අනතුරුව ආරාධනය කළේ ළඟ සිටි බ්‍රිගේඩියර්වරයෙකුටය. ‘සර්, මම වෙපන් එක අවුට් කරලා ආවේ’ බ්‍රිගේඩියර්ගේ පිළිතුර විය. 

වසර ගණනක් පසුපසට යමින් යෞවනයන් අතර යෞවනයෙකු වෙමින් සාගල එදින ගත කරනු කාහටත් පෙනිණි.



(අද පුවත්පත ඇසුරිණි)

Latest Video

Powered by Blogger.