අයවැය පරාජය කිරීමේ සුදානමක් : රෝසිගේ නගරාධිපතිකම අනතුරේ.


එක් මන්ත්‍රී ආසනයක වැඩි ඡන්දයෙන් කොළඹ මහ නගර සභාවට තේරීපත්වී සිටින එක්සත් ජාතින පක්ෂයේ නගරාධිපති රෝසි සේනානායක මහත්මියගේ තනතුර අවදානම් තත්ත්වයක පවතින බව වාර්තා වේ.

නගරාධිපතිනියගේ තනතුර ආරක්ෂා කර ගැනීමට නම් තම සංවිධානය නියෝජනය කරනු ලබන සභිකයන් දස දෙනාගේ සහය ගතයුතුව ඇති නමුත් ඒ සම්බන්ධයෙන් මෙතෙක් එක්සත් ජාතික පක්ෂ නායකත්වය හෝ කොළඹ මහනගර සභාවේ නගරාධිපතිනිය හෝ සාකච්ඡා කර නොමැති බව දෙමළ ප්‍රගතිශීලී සන්ධානයේ නායක මනෝ ගනේෂන් මහතා පැවසීය.

ඉදිරි අයවැය විවාදයේදී එජාපයේ එක් මන්ත්‍රීවරයකුගේ සහය නොලැබුණහොත් නගරාධිපතිනිය එම ධූරයෙන් ඉවත්වීමේ අවදානමක් පවතින බැවින් තම සංධානයේ සහය ගැනීම අනිවාර්ය වී ඇති බව ඔහු කියා සිටී.

තමා එජාපය හා කළකිරී සිටින බව මනෝ කියයි

කෙසේවුවද ඒ සඳහා එජාපය උනන්දු නොවීම කනගාටුදායක බවද ඔහු පැවසීය.

පළාත් පාලන මැතිවරණයේ ප්‍රතිඵල නිකුත් වී මාස එකහමාරකට අධික කාලයක් ගතවී ඇතත් දෙමළ ප්‍රගතිශීලී මන්ත්‍රීවරුන් සමඟ හෝ එම සන්ධානයේ සභාපතිවරයා වන තමා සමඟ මේ සම්බන්ධයෙන් වචනයක් හෝ කතා නොකිරීම නිසා එජාපය හා තමා කළකිරීමෙන් සිටින බවද ඔහු කියා සිටියේය.

මූලාශ්‍රය - ඉරිදා ලංකාදීපය

Info Sri Lanka TV

Powered by Blogger.