Ad

ප්‍රතිසංවිධානය තවත් අර්බුධයකට : එජාප ව්‍යවස්ථා වෙනසක් ඉල්ලයි.


ප්‍රජාතන්ත්‍රවාදී නායකත්වයක් තෝරා පත් කර ගැනීමේ සටන අත් නොහැර ඉදිරියටම ගෙන යන බව නියෝජ්‍ය අමාත්‍ය අජිත්.පී.පෙරේරා මහතා පවසයි.

අද(26) උදෑසන සිරිකොතේ පැවති පක්ෂ කෘත්‍යාධිකාරී මණ්ඩල රැස්වීමට සහභාගී වීමෙන් අනතුරුව මාධ්‍ය වෙත අදහස් දක්වමින් නියෝජ්‍ය අමාත්‍යවරයා මේ බව කියා සිටියේය.

ඊයේ(25) දිනයේ දී පක්ෂයේ ප්‍රධාන හා සෙසු තනතුරු කිහිපයක් සඳහා නව මන්ත්‍රීවරුන් තෝරා පත් කර ගත් අතර අද දිනයේ දි තනතුරු කිහිපයක් කෘත්‍යාධිකාරී මණ්ඩලය විසින් තීරණය කර තිබේ.

එක්සත් ජාතික පක්ෂය ප්‍රජාතන්ත්‍රවාදි කිරීම පවතින ව්‍යවස්ථාව තුළ සිදු කළ නොහැකි බවත් නිසැකයෙන්ම නව ව්‍යවස්ථාවක් ගෙන ඒම තුළින් එය කළ හැකි බවත් නියෝජ්‍ය අමාත්‍යවරයා මෙහිදී පැවසීය.

පවතින ව්‍යවස්ථාව තුළ කළ හැකි සටන දිගටම කළ බවත් එය උපරිම ස්ථානයට පැමිණි බවත් කියා සිටි අජිත් පී. පෙරේරා මහතා පක්ෂය රැක ගැනීම සඳහා පක්ෂයේ විනය සීමාවේ සිටිමින් සටන් වදින බව ද කියා සිටියේය.

වර්තමානයේ පවතින සීමාවන් පිළිබඳ දුක්බර අත්දැකීමක් හිමිවු බවත් කිසි විටෙකත් තමා තියෙන දේ එලෙසින්ම බාර නොගන්නා බවද නියෝජ්‍ය අමාත්‍යවරයා මෙහිදී වැඩිදුරටත් පැවසීය.

කෙසේ හෝ රුවන් විජේවර්ධන කමිටු වාර්තාව පක්ෂයට ඉදිරිපත් කළ යුතු බවත්, එය කළ හැක්කේ ව්‍යවස්ථා සං‍ශෝධනයක් තුළ සිටිමින් බවත් කියා සිටියේය.

එජාප ව්‍යවස්ථාවත් වෙනස්විය යුතුයි

එක්සත් ජාතික පක්ෂයේ ව්‍යවස්ථාව වෙනස්විය යුතු බවත්, පක්ෂය තුළ අපේක්ෂා කරන වෙනස කුමක්ද යන්න පිළිබඳව අප්‍රේල් 30 දිනෙන් පසුව ප්‍රකාශ කරන බවත් රාජ්‍ය අමාත්‍ය වසන්ත සේනානයක මහතා පැවසීය.

අද (26දා) පැවැති එක්සත් ජාතික පක්ෂයේ කෘත්‍යාධිකාරී මණ්ඩල රැස්වීමෙන් අනතුරුව මාධ්‍ය අමතමින් ඔහු මේ බව ප්‍රකාශ කළේය.

එහිදී වැඩිදුරටත් අදහස් දැක් වූ ඒ මහතා,

“අපි අපේක්ෂා කරන්නේ මොකක්ද කියලා හරියටම අප්‍රේල් 30 දායින් පස්සේ වෙනස්කම් ඔක්කොමත් එක්ක මම සම්පූර්ණ ප්‍රකාශයක් දෙන්නම්.


අපේ ව්‍යවස්ථාව හැටියට ඡන්දයකට යන්නත් තුනෙන් එකක් විරෝධතාව ප්‍රකාශ කරන්න ඕන. අපි ඡන්දයකට ගියේ නෑ. මොකද තුනෙන් එකක් විරෝධතාවය ප්‍රකාශ කළේ නැති නිසා. අපි හිතනවා පක්ෂයක් ලෙස ව්‍යවස්ථාවත් වෙනස් වෙන්න ඕන අද කාලේ ප්‍රජාතන්ත්‍රවාදය නිරූපණය වෙන්න කියලා. ඒක අපි කෘත්‍යාධිකාරී මණ්ඩල රැස්වීමේදී ප්‍රකාශ කළා.” යැයි පැවසීය.


Powered by Blogger.