Ad

අන්තර්ජාලයට තහංචි දැම්මේ “තනි තීරණයට” බව ජනපති කියයි.

බොහෝ දෙනාගේ විරෝධය මැද සමාජ ජාලා වෙබ් අඩවි වසා දැමුවේ තමන්ගේ තනි තීරණයට බව ජනාධිපතිවරයා කියා සිටි.

මහනුවර ඇති වු මුස්ලිම් ප්‍රහාර විසදා ගැනීමට හැකිවුයේ සමාජ ජාලා වසා දැමීම නිසා බවට විශ්වාසය පල කරන ජනපති මෛත්‍රීපාල සිරිසේන එම තීරණයට ජාත්‍යන්තර සංවිධාන වල පැසසුම් ලැබුන බව බීබීසියට කියා තිබේ.

“මගේ තනි උවමනාවට සමාජ වෙබ් අඩවි මම වහල දැම්මා. ඒවා නිසා තමා ඒක අපිට විසඳ ගන්න පුලුවන් වුනේ. ඊට පස්සේ අන්තර්ජාතික වශයෙන් අපිට බොහොම පැසසුම් කළා මේ කරපු වැඩේ තමා හරි, මේකෙන් තමා මේකෙන් තමා මේක පාලනය කර ගන්න පුලුවන් වුනේ කියලා” යැයි ජනපති කියා සිටියේය.

සමාජ මාධ්‍ය වසා දැමීම භාෂණයේ නිදහස අහිමි කිරිමක් නොවන බව තරයේ කියා සිටි ජනපති මෛත්‍රී ලංකාව තුල මාධ්‍ය නිදහස “උතුරා ගොස්” ඇති බව ද ප්‍රකාශ කළේය.

සුලුතරයක් දෙනා සමාජ මාධ්‍ය වසා දැමීම ගැන විරෝධය පල කළ ද බහුතරය ඊට ප්‍රසංසා කරමින් ඒවා දැඩි පාලනයකට යටත් කිරීමට යෝජනා කළ බවයි ජනාධිපති මෛත්‍රීපාල සිරිසේන කියා සිටියේ.

කෙසේ වෙතත් 2015 ජනාධිපතිවරණය පරාජයෙන් පසු හිටපු ජනපති මහින්ද රාජපක්ෂ කියා සිටියේ මෛත්‍රීපාල සිරිසේන ජනාධිපති ධුරයට පත් වුයේ සමාජ මාධ්‍ය වල සහ උතුරේ දෙමළ ජනයාගේ පිහිටෙන් බවයි.

Powered by Blogger.