ගම්මන්පිලගේ 'සාදු' මිට පෙරත් කාන්තාවක් අපයෝජනය කරලා...


පන්සලට දානය ගෙන ගිය කාන්තාවකට ලිංගික අතවර කිරීම සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටින උදය ගම්මන්පිල මහතාගේ පිවිතුරු හෙළ උරුමය පක්ෂය ඉදිරිපෙළ ක්‍රියාකාරි හිමිනමක් වන සීගිරියේ දම්මින්ද හිමියන් මීට පෙරද කාන්තාවක් දූෂණය කිරීමේ චෝදනාවට වරද පිළිගැනීම නිසා දැඩි අවවාද මත අධිකරණයෙන් ඇප ලබා සිටි හිමිනම් බව වාර්තා වේ.

එම සිදුවීම 2016 වසරේදී සිදුව ඇති අතර ඒ වනවිට එම හිමිනම දඹුල්ල ප්‍රාදේශීය සභාවේ මන්ත්‍රීවරයෙකු ලෙස කටයුතු කර තිබීමත් මහින්ද රාජපක්ෂ පිල නියෝජනය කිරිම හේතුවෙන් ඔහුට ලැබී තිබූ දේශපාලන අනුහසත් ප්‍රයෝජනයට ගෙන නාගලවැව ප්‍රදේශයේ නිවසකට පැන එම නිවසේ කාන්තාවකට ලිංගික අතරවර සිදු කර එම කාන්තාව බලහත්කාරයෙන් දූෂණය කර තිබේ.

ඉන් පසු තම බලය පෙන්වමින් එම හිමිනම නිරන්තරයෙන් එම නිවසට ගොඩවැදී එම කාන්තාවගේ ස්වාමිපුර්ෂයාටද බැනවදිමින් එම කාන්තාවට දිගින් දිගටම අතවර කර ඇත.

හිමිනමගේ දේශපාලන අනුහසට ඇති බිය නිසා:

ඉතාමත් දරිද්‍රතාවයෙන් ජීවත් වන මෙම පවුල චීවරයට ඇති ගෞරවයත් එම හිමිනමගේ දේශපාලන අනුහසට ඇති බියත් නිසා ඉවසීමෙන් කටයුතු කර ඇතත් දිගින් දිගටම ඔවුන්ට එම හිමිනමගෙන් එල්ලවන පීඩනය දරාගැනීමට නොහැකිව සීගිරිය පොලීසියට ගොස් මේ සම්බන්ධයෙන් පැමිණිලි කර ඇත.

ඔවුන් පොලීසියට පවසා ඇත්තේ “හාමුරුදුරන්ට කියන්න අපිට පාඩුවේ ඉන්න දෙන්න කියලා…” යනුවෙනි. 

ඔවුන් එසේ කීමට හේතුව කුමක්දැයි පොලීසිය සිදුකළ ප්‍රශ්න කිරීම්වලදී අදාල සිද්ධය අනාවරණය වී ඇති අතර ඉන් පසු එම හිමි නම දඹුල්ල අධිකරණයට ඉදිරිපත් කර තිබේ.

තමන් එම වරද සිදු කළ බවට එම හිමිනම විසින් අධිකරණයේදී වරද පිලිගෙන ඇති අතර ඉන් පසු අධිකරණය එම හිමිනමට දැඩිව අවවාද කර අැප ලබා දී ඇත.

කරුණු එසේ තිබියදී සිගිරිය – නාගල වැව ප්‍රදේශයේ පදිංචි 46 හැවිරිදි තිදරු මවක් ඉකුත් අප්‍රේල් මස 10 වෙනි දින දහවල් දානය රැගෙන තමා පදිංචි ගම්මානයේ පිහිටි විහාරස්ථානයට ගිය අවස්ථාවේ සැකකාර හිමිනම මෙම කාන්තාවට ලිංගික අතවර සිදු කර ඇත.

ඒ සම්බන්ධයෙන් එම කාන්තාව විසින් සීගිරිය පොලීසියට කරනලද පැමිණිල්ල අනුව සීගිරය පොලීසිය විසින් අත්අඩංගුවට ගත් මෙම හිමිනම අධිකරණයට ඉදිරිපත් කිරීමෙන් පසු පෙර වැරදි සම්බන්ධයෙන්ද සළකා, ලබන 16 වෙනි දින දක්වා රක්ෂිත බන්ධනාගාර ගත කිරීමට නියෝග කර තිබේ.

(lankatruth)

Latest Video

Powered by Blogger.