කතරගම නගර සංවර්ධනයට රුපියල් ලක්‍ෂ 5000 ක්.



කතරගම නගර සංවර්ධනයට රුපියල් ලක්‍ෂ 5000 ක් ලබා දෙන බව මහානගර හා බස්නාහිර සංවර්ධන අමාත්‍ය පාඨලී චම්පික රණවක මැතිතුමා පවසයි.

ඒ මහතා මෙම අදහස් පළකර සිටියේ, ඓතිහාසික සෙල්ලකතරගම භූමියට දිවයිනේ නන් දෙසින් පැමිණෙන බැතිමතුන්ගේ පහසුව වෙනුවෙන් ඉදිකෙරෙන විවේකී උද්‍යානයේ අවසන් අදියරේ වැඩකටයුතු නිරීක්‍ෂණය කිරීමේ චාරිකාවකට එක්වෙමිනි. කතරගම නගර සංවර්ධනය යටතේ නාගරික සංවර්ධන අධිකාරිය මගින් රුපියල් මිලියන 50 ක වියදමින් මෙම විවේකී උද්‍යානය ඉදිකරනු ලබයි. මෙම අවස්ථාවට අමාත්‍ය රංජිත් මද්දුමබණ්ඩාර, නාගරික සංවර්ධන අධිකාරියේ අධ්‍යක්‍ෂක ජනරාල් සුමේධ රත්නායක මහත්වරුන් ඇතුළු පිරිසක් සහභාගී වූහ.

එහිදී වැඩිදුරටත් අදහස් දැක්වූ අමාත්‍යවරයා, කතරගම හා ඒ අවට ප‍්‍රදේශයට ඉතිහාසයේ පෙර නොවූ විරූ පරිදි විශාල සංවර්ධනයක් අපි ගෙනවිත් තිබෙනවා. විශේෂයෙන්ම මේ තැන තැන තිබූ කඩසාප්පු එක ප‍්‍රධාන මධ්‍යස්ථානයකට අරගෙන කඩ 300 කට අධික ප‍්‍රමාණයක් ඉදිකරන්න අද නාගරික සංවර්ධන අධිකාරිය ක‍්‍රියාකරගෙන යනවා. ඒ වගේම අපි ඉදිරි කාලයේදී කතරගම - සෙල්ලකතරගම යන ස්ථාන දෙකේම භූ දර්ශනය විධිමත් කරලා සංවර්ධනය ඉදිරියට ගෙන යමින් සිටිනවා. වැඩහිටිකන්ද ප‍්‍රදේශයත්, වැව ප‍්‍රදේශයත් භූ දර්ශන කටයුතු කරන්න අප බලාපොරොත්තු වෙනවා. ඒ අනුව ලබන වසර වන විට කතරගම ප‍්‍රදේශයේ වසර ගණනක් තිබූ ගැටළු විසඳෙනවා.

ඒ අතරේ විවිධ ගැටළු, දේශපාලනමය වශයෙන් කඩ අහිමිවෙච්ච අය, නැතිනම් වෙනත් ආකාරයට ප‍්‍රශ්න මතුවෙලා තිබෙන අයගේ ප‍්‍රශ්න කිසිම දේශපාලන භේදයකින් තොරව විසඳන්න අපි කටයුතු කරනවා. අපිට කිසිම පක්ෂ බේදයක්, ජාති, ආගම්, කුල භේද නැහැ. විශේෂයෙන්ම මේවයේ වෙළඳාම් කරන්නේ විශාල ධනයක් හිමි අය නෙමෙයි. මේ ප‍්‍රදේශ ඉතාමත්ම අවවරප‍්‍රසාදිත ප‍්‍රදේශ. එහ ජනතාවට මෙහෙවර කිරීම සඳහා කිසිම දේශපාලන බේදයකින් තොරව, අයුක්තියට යම් පිරිසක් ලක්වෙලා සිටිනවාද එම පිරිස් යුක්තිය ගෙනඒමේ වැඩසටහනකට ගෙන එමින් පක්ෂ බේදයෙන් තොරව කටයුතු කරන්න අපි කැපවෙනවා.

එහි සංඛේතයක් තමයි ප‍්‍රාදේශීය සභාවේ සභාපතිතුමත්, විපක්ෂ නායකතුමත් දෙන්නම අද මේ වැඩපිළිවෙල ඉදිරිය ගෙන යන්න අපිත් සමග අත්වැල් බැඳගෙන සිටිනවා. කතරගම සම්ප‍්‍රදායක භුමියේ  ඕන තැනක මඩු හදාගෙන කඩ කරන්න අයිතිය තිබෙනවා. ඒ ආකාරයට අපට කටයුතු කරන්න අයිතිය තිබෙනවා කියා. නමුත් සමාජය දියුණු වෙමින් ඉදිරියට යනවිට අපේ පුද භූමිය, සම්ප‍්‍රදාය කියන්නේ පරණ පුරුදු අරගෙන එන එක නෙමෙයි. සම්ප‍්‍රදාය ආරක්‍ෂා කර ගන්නා ගමන් විධිමත් භාවයත් අපි ඇතිකර ගත යුතුයි.

එනිසා ඉදිරි කාලයේදී අපි නාගරික සංවර්ධන අධිකාරියෙන් මෙම ප‍්‍රදේශයේ තිබෙන වැසිකිලි කැසිකිලි ගැටළු විසඳීමට ලබන වසර වන විට අපි කටයුතු කරන බව මෙම අවස්ථාවේදී සඳහන් කරන්න කැමතියි. මෙය දැන් දියුණු රටක්, මේ දියුණු රටට අවශ්‍ය විදිහට අපි කටයුතු කළ යුතුයි. ඒ වගේම මේ මොණරාගල දිස්ත‍්‍රික්කයේ හුඟ දෙනෙක් දුප්පත්කම ගැන කතා කරද්දි උතුර, නැගෙනහිර වතුකරය වගේ ප‍්‍රදේශ වෙත අවධානය යොමු කරනවා. නමුත් 2012 සංඛ්‍යාලේඛන දෙපාර්තමේන්තුවේ දත්ත අනුව මෙරට දුගී වැසියන් වැඩිම ප‍්‍රමාණයක් ජීවත්වන ප‍්‍රදේශය මොණරාගල දිස්ත‍්‍රික්කය. දුගීකමේ දර්ශකය ගත්තහම දවසකට එදිනෙදා ජීවිතය ගෙනයන්න අවශ්‍ය කරන අවම කැලරි ප‍්‍රමාණය නොලැබෙන ජනතාව 6% ක් පමණ ඉන්නවා. මොණරාගල එම ප‍්‍රතිශතය 15% ක්. මෙරට තිබෙන වැඩිම ප‍්‍රතිශතය 1/5ක්. ඒ කියන්නේ මූලික පෝෂණය ලැබෙන්නේ නැහැ. ඒ නිසා මේ දිස්ත‍්‍රික්කය අපි විශේෂ අවධානයකින් යුතුව ගොඩනැගිය යුතුයි. මම පරිසර ඇමතිව සිටි කාලයේදී මෙහි පරිසර පද්ධතිය රැුක ගන්න අපි ඉතා දැඩිව කි‍්‍රයා කළා. විදුලිබල ඇමති හැටියට මොණරාගල, හම්බන්තොට දිස්ත‍්‍රික්කවල හැම ගමකටම විදුලි දීලා තිබෙනවා. මම ඇමති විදිහට එනවිට මොණරාගලට විදුලිය තිබුණේ නැහැ. මොකද මේ ඓතිහාසික වෙල්ලස්සට ඉතිහාසයේ ඉඳන් ඇතිවූ ඓතිහාසික වරද අපි නිවැරදි කළ යුතුයි. සුගලාදේවියගේ සිට ඇතිකල ඓතිහාසික උරුමය අපි ඉදිරියට ගෙනයා යුතුයි. ඒ වගේම මේ කතරගම කියන්නේ ඉතිහාසයේ ඉතාමත්ම ඈත කාලයේ සිට, දුටු ගැමුණු රජතුමාගේ කාලයේ සිට ප‍්‍රචලිත ප‍්‍රදේශයක්. ඒ නිසා මම හිතන්නේ රජය විසින් අලූතෙන් ඇතිකරන ගම්පෙරළිය වැඩසටහන යටතේ මෙරට දුප්පත්ම, නොසලකා හැර තිබෙනම මේ මොණරාගල දිස්ත‍්‍රික්කය කෙරෙහි අවධානය යොමු කර ගමේ වැව, පාර, වාරිමාර්ගය අපේ සාමාන්‍ය ජනතාවට ගැලපෙන ආකාරයට ගොඩනැගීම අත්‍යාවශ්‍යයි. මේ මැණික් ගඟ ඉතාම වටිනා ගඟක්, එය ඉතාම පිරිසිදුව පවත්වා ගන්න අපි හැමෝගෙම කැපවීම අවශ්‍යයි. මොකද දස දහස් ගණනක් මෙතනට එනවා. අපි ඉතා සතුටු වෙනවා ලක්‍ෂ 5000 කට අධික ප‍්‍රමාණයක් මේ කතරගම ප‍්‍රදේශයේ සංවර්ධනයට අපි යොමුකර තිබෙනවා යැයි පැවසීය.

Info Sri Lanka TV

Powered by Blogger.