සුවසැරිය ගිලන්රථ සේවාව ඌවටත්.


'සුවසැරිය' මූලික ප්‍රතිකාර ගිලන්රථ සේවාව ඌව පළාතට හඳුන්වා දීම ලබන සතියේ දී සිදු කෙරේ.

නව ගිලන්රථ 26ක් ලබාදීම මෙහිදී සිදු කරන අතර 1990 දුරකථන අංකයට කතා කිරීමෙන් ගිලන්රථ සේවාව නොමිලේ ලබාගැනීමට මහජනතාවට හැකියාව ලැබෙන බව “සුවසැරිය“ මෙහෙයුම් කළමනාකාර ගයාන් චතුරංග මහතා “දිනමිණට“ පැවැසුවේය.

ජාතික ප්‍රතිපත්ති හා ආර්ථික කටයුතු රාජ්‍ය ඇමැති හර්ෂ ද සිල්වා, විදුලි සංදේශ, ඩිජිටල් යටිතල පහසුකම් හා විදේශ රැකියා ඇමැති හරීන් ප්‍රනාන්දු, ඉන්දියානු මහ කොමසාරිස් මහත්වරුන්ගේ සහභාගීත්වයෙන් ඌව පළාතට “සුවසැරිය“ ගිලන්රථ සේවාව හඳුන්වාදෙන බව ද ඒ මහතා කීය.

රට පුරා සියලු දිස්ත්‍රික්ක ආවරණය වන පරිදි මේ සේවාව ව්‍යාප්ත කිරීමේ මූලික අදියර යටතේ බස්නාහිර හා දකුණු පළාත් ආවරණය වන ලෙස ගිලන්රථ බෙදා හැරීම සිදුකෙරිණ. පසුව උතුරු පළාතට මේ සේවාව ව්‍යාප්ත කෙරිණි.

මේ සේවාව ආරම්භයේ සිට මේ දක්වා 99,814 වතාවක් හදිසි අවස්ථාවල දී ගිලන්රථ සැපයීම ද, 90,0043 ක් රෝහල්ගත කිරීම් ද, රෝගීන් 2265කට ප්‍රථමාධාර ලබාදීම ද සිදු කර තිබෙන අතර දරු උපත් 33ක් සිදු කර තිබේ.

වත්මන් රජය මඟින් නොමිලේ සපයන මේ සේවාව හේතුවෙන් මේ වන විට ජීවිත රැසක් බේරා ගෙන තිබේ.

No comments:

AD S

Info Sri Lanka News | Sinhala

info sri lanka news, infosrilankanews, info sri lanka, infosrilanka, infolanka, infolankanews, info lanka news, info lanka news room, info lanka sinhala, sinhala news sri lanka, lanka info sinhala, breaking news sri lanka, sri lanka, sri lanka breaking news, news lanka
Powered by Blogger.