Sex Ed Ad

'ජනාධිපති අපේක්‍ෂකයා විය යුත්තේ බැසිල් ' - ගෝඨා කියයි [Video]


ඉදිරි ජනාධිපතිවරණයේ අපේක්ෂකයා ලෙස ඉදිරිපත් කිරීමට සුදුසුම පුද්ගලයා බැසිල් රාජපක්ෂ මහතා බව ආරක්ෂක අමාත්‍යංශයේ හිටපු ලේකම් ගෝඨාභය රාජපක්ෂ මහතා සඳහන් කරයි.

ඔහු මේ බව කියා සිටියේ අද කොළඹ විශේෂ ත්‍රිපුද්ගල මහාධිකරණය හමුවේ පැවති නඩු විභාගයට සහභාගි වීමෙන් පසු මාධ්‍යවේදීන් වෙත අදහස් පළ කරමිනි.

බැසිල් රාජපක්ෂ මහතා මෙරටට ගෙන්වූයේ ඔහුව ඉදිරියට ගැනීමට දැයි මාධ්‍යවේදීන් විසින් එහිදී කළ විමසීමකට පිළිතුරු දෙමින් ඔහු කියා සිටියේ සහෝදරයන් අතර ගැටුම් ඇතිකිරීම සඳහා ඇතැමුන් කටයුතු කරන බවත් එය සාර්ථක නොවන බවත්ය.

කෙසේ වෙතත් මහින්ද රාජපක්ෂ මහතා විසින් ජනාධිපති ජනාධිපතිවරණ අපේක්ෂකයා ලෙස ඉදිරිපත් වන්නේ කවුදැයි මෙතෙක් ප්‍රකාශ කර නැති බව ද ඔහු සදහන් කළේය.

සාකච්ඡා වෙමින් ඇති භාරකාර ආණ්ඩුව ගැන අදහස් පළ කරමින් ඔහු කියා සිටියේ අද වන විට රට වැටී ඇති අභාග්‍යසම්පන්න තත්ත්වයෙන් මුදා ගැනීම විපක්ෂයේ වගකීම බවත් එය කරන ආකාරය ගැන තමන්ට අදහස් පළ කළ නොහැකි බවත්ය.

No comments:

Latest Video

Powered by Blogger.