විල්පත්තුව කථිකාව පසුපස ජාතිවාදය: අරුවක්කාලු කසළ ගැටලුව යටපත් කිරීමේ උත්සහයක්!


පුත්තලමේ අරුවක්කාලු කසළ ගැටලුව යටපත් කරමින් විල්පත්තුව පිළිබඳව සමාජ කථිකාවතක් නිර්මාණය කර ඒ තුළින් ජාතිවාදය ඇති කිරීමේ කුමන්ත්‍රණයක් ක්‍රියාත්මක වෙමින් පවතින බව අමාත්‍ය රිෂාඩ් බදියුදීන් මහතා පවසයි.

කොළඹ අල් හික්මා විද්‍යාලයේ ඊයේ(20) පැවැති උත්සවයකදී අමාත්‍යවරයා මේ බව සඳහන් කළේය.

එහිදී වැඩිදුරටත් අදහස් දැක්වූ අමාත්‍ය රිෂාඩ් බදියුදීන් මහතා මෙලෙසද පැවසීය.

"පුත්තලමට කොළඹ කුණු ගෙන එන එකට පුත්තලමේ මිනිස්සු විරුද්ධ වෙන එක සාධාරණයි. අපි කවුරුවත් කැමති නැහැ වෙන කාගෙවත් කුණු ගන්න.

මේ කසල ගැටළුව ගැන පුත්තලමේ  ජනතාව කියන්න පුළුවන් හැමෝටම කිවුවා.උත්තරයක් නැතිම තැන තමයි ඔවුන් කොළඹට ඇවිත් උද්ඝෝෂණයක් කළේ.

පසුගිය වසරේ (2018) අවසාන මාස කිහිපයේ රටතුළ පැවැති ප්‍රජාතන්ත්‍ර විරෝධී ක්‍රියාවලියේදී අපි ගත්තෙ හරි පැත්ත.ඒක තමයි නියම ප්‍රජාතන්ත්‍රවාදය.

එදා ඒ සත්‍ය වෙනුවෙන් පෙනී සිටි අප අද පුත්තලමේ අරුවක්කාලු කසල ගැටලුව වෙලාවෙදිත් පුත්තලමේ අහිංසක ජනතාවගේ පැත්ත ගන්නවා.

පුත්තලමේ ජනතාවගේ කසල ගැටලුව ගැන පෙනී ඉන්න නිසා මට විල්පත්තුව කපනවා කියල චෝදනා කරමින් මේ දිනවල සමාජ මාධ්‍ය රැල්ලක් ක්‍රියාත්මක වෙනවා.මේවා හසුරවන යම් යම් අදිසි හස්ත ක්‍රියාත්මක වන බව අපට පේනවා.රජය ඇතුලෙ අමාත්‍යවරයකු ලෙස සිටියත් ජනතාවට අසාධාරණයක් වෙනවානම් අපි එයට දැඩි ලෙස විරුද්ධ වෙනවා.

මේ විදියට සමාජ මාධ්‍ය හරහා වැරදි පූර්වාදර්ශ සපයපු නිසා තමයි පසුගිය කාලයේ නුවර තෙල්දෙනිය, ගිංතොට වගේ ප්‍රදේශවල ගැටුම් ඇතිවුනේ.

මේ විදියට විල්පත්තුව ප්‍රශ්නයක් කරලියට ගෙනවිත් මුස්ලිම් ජනතාව හා සිංහල ජනතාව බිදවීමේ කුමන්ත්‍රණයක් ක්‍රියාත්මක වෙනවා කියලයි අපිට දැනෙන්නේ.

මම ඉතා ඕනෑකමින් මේ ජාතිවාදය අවුලවන්න හදන පිරිසගෙන් ඉල්ලන්නේ දේශපාලනික වශයෙන් තරහක් තියෙනවානම් මගෙන් පලිගන්න,මේ රටේ අතීතයේ ඉදලා සහජීවනයෙන් කටයුතු කරපු සිංහල මුස්ලිම් ජනයාට නිදහසේ ඉන්න ඉඩදෙන්න."

අරුවක්කාලු කසල අංගනයට එරෙහි විරෝධයක්!

මේ අතර අරුවක්කාලු කසල අංගනයට විරෝධය පළකරමින් පසුගිය දා ගාලුමුවදොර පිටියේදී විරෝධතාවක් සංවිධානය කර තිබුණි. පරිසර සංවිධාන, සිවිල් ක්‍රියාකාරීන් ඇතුළු පිරිසකගේ සහභාගීත්වයෙන් එය පැවැත්වුණි.

මෙම සනීපාරක්ෂක කසල රඳවනය නිසා පාරිසරික හානි මෙන්ම දිගුකාලීනව මිනිසාටද අයහපත් බලපෑම් ෙඑල්ලවන බවයි උද්ඝෝෂකයන් පෙන්වා දෙන්නේ. 

ඒ අනුව උද්ඝෝෂකයන් අගමැතිවරයට මේ සම්බන්ධයෙන් සන්දේශයක් භාරදීමට කටයුතු සලස්වා තිබූ අතර අගමැතිවරයා වෙනුවෙන් නියෝජිතයෙකු එය භාර ගෙන තිබු අතර දින දෙක තුනක් තුළ විසඳුමක් ලබා දීමට කටයුතු කරන බව එම නියෝජිතයා සඳහන් කර ඇත.  

[ජායාරූපය - අජිත් සෙනෙවිරත්න | LNW




No comments:

Ad
Powered by Blogger.