Ad

විදුලි අර්බුදය විසඳන්න අලුතෙන් බලාගාර 5ක්: 2021 වන විට විදුලි අතිරික්තයක්.


පවත්නා විදුලි අර්බුදය විසඳීම සඳහා නව LNG බලාගාර 05 ස්ථාපනය කිරීමට සැලසුම් කර ඇති බව විදුලි බල, බලශක්ති සහ ව්‍යාපාර සංවර්ධන අමාත්‍යාංශ ලේකම් ආචාර්ය සුරේන් බටගොඩ මහතා පවසයි. 

ඒ අනුව චීනයෙන් මෙගා වොට් 400ක බලාගාරයක් ඉන්දියාවෙන් මෙගා වොට් 300ක බලාගාරයක් සහ ජපානයෙන් මෙගා වොට් 300ක බලාගාරයක් ඉදිකිරිම සඳහා සාකච්ජා කර අනුමැතිය හිමිව ඇති ඇති අතර ලක්දනවි සහ වින්ඩ් ෆෝර්ස් සමාගම වෙතද ටෙන්ඩර් කැඳවා බලාගාර දෙකක් ඉදිකිරිම සඳහා අවස්ථාව ලබා දෙන බවයි බටගොඩ මහතා සඳහන් කරන්නේ.

මෙම බලාගාර 05 ඉදිවීමෙන් අනතුරුව එළඹෙන මැයි මාසය වන විට විදුලි බල අර්බුදයට විසඳුමක් ලැබෙන අතර දිගු කාලීනව 2021 වසර වන විට මෙරට විදුලි බල අර්බුදය විසඳෙන බව ලේකම්වරයා අවධාරණය කරයි.

මෙම මාසයේදී පමණක් විදුලි ප්‍රශ්නයට මුහුණ දීමට සිදුවන අතර අරපිරිමැස්මෙන් පරිභෝජනය කර අර්බුදයට මුහුණ දිය හැකි බව හෙතෙම පවසයි.

එමෙන්ම මදුරු ඔයේ සහ මොණරාගල සියඹලාණ්ඩුවේ මෙගාවොට් 100ක සූර්ය බලාගාර දෙකක මෙන්ම මන්නාරම මෙගාවොට් 100ක සුළං විදුලි බලාගාරයක් ද ස්ථාපනය කිරීමට යෝජිත බව බටගොඩ මහතා කියාසිටියි.

මෙම බලාගාර ඉදිවීමෙන් අනතුරුව විදුලි බල අතිරික්තයක් ශ්‍රී ලංකාව සතු වන බවයි ඔහු වැඩිදුරටත් කියාසිටින්නේ.

[LNW]

No comments:

AD S

Info Sri Lanka News | Sinhala

info sri lanka news, infosrilankanews, info sri lanka, infosrilanka, infolanka, infolankanews, info lanka news, info lanka news room, info lanka sinhala, sinhala news sri lanka, lanka info sinhala, breaking news sri lanka, sri lanka, sri lanka breaking news, news lanka
Powered by Blogger.