ඉන්දියානු සංචාරකයින්ට ශ්‍රී ලංකාවෙන් ආකර්ෂණීය පැකේජ පහක්!


වර්ධනය වෙමින් පවතින ඉන්දීය වෙළදපළ තුළ ප්‍රවර්ධන කටයුතු දිරි ගැන්වීමේ අරමුණින් රාජ්‍ය සහ පෞද්ගලික අංශයේ හවුල්කරුවන්ගේ සහභාගිත්වයෙන් ශ්‍රී ලංකා සංචාරක කර්මාන්තය පහසු මිල ගණන් යටතේ ආකර්ශනීය ගමන්වාර ඇරඹිම මේ සතියේ සිටක්‍රියාත්මකයි.

ඉන්දියානු සංචාරකයන් සදහා වන ශ්‍රී ලංකාවේ ගමන් වාර පහසු මිල ගණන් යටතේ ආකර්ශනීය අන්දමින් ‘පැකේජ පහක්’ යටතේ ක්‍රියාත්මක වේ. මෙකී සහන පැකේජ කොළඹ, මහනුවර,නුවරඑළිය, දඹුල්ල, සීගිරිය සහ දකුණු වෙරළ තීරය ඇතුළු තෝරා ගැනීම් අවස්ථා රැසකින් යුක්තව පහසු මිල ගණන් යටතේ ක්‍රියාත්මක වේ.

ප්‍රවර්ධන වැඩසටහනේ මුල්ම පියවර ක්‍රියාත්මක කරනු ලැබුවේ සංචාරකයන් 42 ක්ද ඇතුළුව 258 දෙනෙකුට මරු කැදවූ පසුගිය පාස්කු ප්‍රහාරයෙන් අනතුරුවයි.මෙම දීමනාව 2019 ජූනි මස 10 වන සිට 2019 සැප්තැම්බර් මස 30 දක්වා වලංගු වන අතර, ඉන්දීය සංචාරක ඒජන්ත ජාලයෙන් මෙම පැකේජ වෙන් කරවා ගැනීම හා මිලට ගැනීම සිදු කළ හැක.

2018 නොවැම්බර් මාසයේදී ක්‍රියාත්මක කළ මෙවැනිම ප්‍රවර්ධන වැඩසටහනකදී ශ්‍රී ලංකා සංචාරක ප්‍රවර්ධන කාර්‍යාංශය විසින් ඉන්දීය සංචාරකයන්ගේ වියදම් කිරීමේ රටාවන් නිරීක්ෂණය කර තිබුණි.

මෙම වසරේදී, ශ්‍රී ලංකා සංචාරක කර්මාන්තය ප්‍රවර්ධන කටයුතුවල පහසුව සදහා ශ්‍රී ලංකා අභ්‍යන්තර සංචාරක මෙහෙයුම් සංගමය , ශ්‍රී ලංකා හෝටල් සංගමය සහ ශ්‍රී ලංකා අභ්‍යන්තර ගමන් මෙහෙයුම් සමාගම (SLAITO) සහ ශ්‍රී ලංකා හෝටල් සංගමය (THASL) සහ ශ්‍රී ලංකන් ගුවන් සමාගම සමග අත්වැල් බැදගෙන සිටී.

"අපි මේ ප්‍රවර්ධන වැඩසටහන හැකි ඉක්මනින් ආරම්භ කිරීමට උත්සාහ කරනවා. ඒ වගේම ඉන්දියාව විතරක් නෙවෙයි චීනය වගේ වෙළදපළවල් කරා මේ කටයුතු ව්‍යාප්ත කරන්නත් බලාපොරොත්තු වෙනවා.අපේ සංචාරක ආකර්ශන ස්ථාන වගේම හෝටල් සම්පූර්ණයෙන්ම ක්‍රියාත්මක මට්ටමේ පවතිනවා, ඒ සියල්ලක්ම නව සංචාරකයන් පිළිගැනීමට බලා සිටිනවා "යනුවෙන් සංචාරක ප්‍රවර්ධන සහ වනජීවී අමාත්‍ය ජෝන් අමරතුංග මහතා පවසයි.

මේ අතර ජාතික ගුවන් ගමන් සහයක ශ්‍රී ලංකන් ගුවන් සේවය මගින් ශ්‍රී ලංකා ගුවන් සමාගමේ සේවාවන් ක්‍රියාත්මක වන සෑම ස්ථානයකම ක්‍රියාත්මක කළ හැකි පැකේජයක් හදුන්වා දී ඇත. වඩාත් වාසිදායක පැකේජය තුළ ගුවන් ගමන් වියදම, ආහාර සහ නවාතැන් පහසුකම්, ඔබ සංචාරය කිරීමට බලාපොරොත්තු වන ස්ථාන සදහා ප්‍රවාහන පහසුකම් මෙන්ම සංචාරක මගපෙන්වන්නාගේ ගාස්තුව ඇතුළත් වනු ඇත.සෑම ස්ථානයකම පැකේජ 5ක් සහ විවිධ කාණ්ඩවලට අයත් මිල ගණන් 15 පවතින අතර එය සාමාන්‍ය මට්ටමේ සිට සුඛෝපභෝගී මට්ටම දක්වාම කාණ්ඩ තුනකින් සමන්විත වේ.

"පසුගිය දශකය මුළුල්ලේම ශ්‍රී ලංකාවේ අංක එකේ ප්‍රභව වෙළදපළ වූ ඉන්දියාවෙන් , 2018 වසරේදී ඉන්දීය සංචාරකයන් 400,000 මෙරටට පැමිණ ඇත. ශ්‍රී ලංකන් ගුවන් සමාගම සතියකට ගමන් වාර 120ක් ඉන්දියාවේ ප්‍රධාන නගර කරා යන අතර, අපි විශ්වාස කරන්නේ එවැනි දීමනා ඔස්සේ ඉන්දීය නගරවල ඉක්මනින් ප්‍රසිද්ධියක් ඇති කිරීමට හැකිවේ කියායි "යනුවෙන් ශ්‍රී ලංකා ගුවන් සමාගමේ ලෝක වෙලද සහ බෙදා හැරීම් අධිපති දිමුතු තෙන්නකෝන් මහතා පවසා සිටී.

සංඛ්‍යා දත්තවලට අනුව ඉන්දියාව ශ්‍රී ලංකාවේ විශාලතම සංචාරක වෙළදපළ වන අතර එය සංඛ්‍යාත්මකව 18.2%කි. නොඑසේ නම් 2018 වසරේදී සංචාරක පැමිණීම 424,887 වූ අතර එය පෙර වසරට වඩා 10.5% වර්ධනයකි.2017 වසරේදී මෙරටට පැමිණි ඉන්දීය සංචාරකයන් ගණන 3,83,000 විය. 2018දී මෙම අගය 426,000 දක්වා ඉහළ ගියේය. විවේකය ගත කිරීමේ සංචාරක ස්ථානයක් බවට පත් වීමට අමතරව විවාහ උත්සව සහ චිත්‍රපට රූගත කිරීම් සදහා ද යොදා ගැනීමට සංචාරකයන් පෙළඹවීමට ශ්‍රී ලංකාවේ සංචාරක ප්‍රවර්ධන කටයුතු අරමුණු කරගනී.

මිලියන 180 පමණ Mastercard භාවිත කරන්නන් සිටින ඉන්දියාවේ Mastercard ආයතනයද මෙකී ප්‍රවර්ධන කටයුතු සදහා මැනවින් බද්ධ වී ඇති ජාල ඔස්සේ දායකත්වය සපයමින් සිටී. ශ්‍රී ලංකාවේ සහ මාල දිවයිනේ Mastercard කළමනාකාර සන්තෝෂ් කුමාර් මෙම කාලෝචිත ක්‍රියාදාමයට සම්බන්ධ වීමට ලැබීම පිළිබඳව සතුට පල කළේය.

No comments:

Ad
Powered by Blogger.