Ad

රනිල් තේරීම් කමිටුව කැඳවීමට පෙර සාක්ෂි දෙන්න යන්න හදයි.


පාස්කු ඉරිදා ප්‍රහාරයන් පිළිබඳව සොයා බැලීමට පත්කර ඇති විශේෂ පාර්ලිමේන්තු තේරීම් කාරක සභාව (PSC) හමුවේ පෙනී සිටීමට අගමැති රනිල් වික්‍රමසිංහ මහතා කැමැත්ත පළ කර ඇති බව වාර්තා වේ.

අගමැති වික්‍රමසිංහ මහතා කාරක සභාවට දැනුම් දී ඇත්තේ කමිටුව තමා කැඳවීමට පෙර සාක්ෂි දීමට කැමැත්තෙන් සිටින බව යැයිද කමිටු ආරංචි මාර්ගවලින් වාර්තා වේ.

කාරක සභාව හමුවේ සාක්ෂි දීමට ජනාධිපති මෛත්‍රීපාල සිරිසේන මහතා සහ අගමැති වික්‍රමසිංහ මහතා යන දෙදෙනාම කැඳවීමට තේරීම් කාරක සභාව සලකා බලමින් සිටින බව ආරංචි මාර්ග සඳහන් කරයි.

රාජ්‍ය ආරක්ෂක අමාත්‍ය රුවන් විජේවර්ධන, හිටපු නීතිය හා සාමය පිළිබඳ අමාත්‍ය සහ වරාය, නාවික හා දකුණු සංවර්ධන අමාත්‍ය සාගල රත්නායක, හිටපු නීතිය හා සාමය පිළිබඳ අමාත්‍ය සහ වත්මන් රාජ්‍ය පරිපාලන හා කළමනාකරණ අමාත්‍ය රංජිත් මද්දුමබණ්ඩාර යන මහත්වරුන් ද කමිටුව හමුවට කැඳවීමට සැරසෙන බව මේ අතර වාර්තා වේ.

තේරීම් කාරක සභාවේ මීළඟ රැස්වීම් සඳහා ආයෝජන මණ්ඩලයේ (BOI) නිලධාරීන් මෙන්ම ලංකා බැංකුවේ (BOC) නිලධාරීන් ද කැඳවනු ඇතැයි ආරංචි මාර්ග සඳහන් කරයි.

මීළඟ රැස්වීම් අඟහරුවාදා (25) ප.ව 2.00 ට පැවැත්වීමට නියමිතය.

No comments:

AD S

Info Sri Lanka News | Sinhala

info sri lanka news, infosrilankanews, info sri lanka, infosrilanka, infolanka, infolankanews, info lanka news, info lanka news room, info lanka sinhala, sinhala news sri lanka, lanka info sinhala, breaking news sri lanka, sri lanka, sri lanka breaking news, news lanka
Powered by Blogger.