Ad

ගෝඨාට හදවත් සැත්කමක්: වෛද්‍ය වාර්තා කැඳවන්නැයි පවසයි: බැසිල් සූදානමින්!


ආරක්ෂක අමාත්‍යංශයේ හිටපු ලේකම් ගෝඨාභය රාජපක්ෂට සිංගප්පූරුවේ රෝහලක හෘද සැත්කමක් සිදුකර ඇති බව ඒකාබද්ධ විපක්ෂයට සහය දක්වන වෙබ් මාධ්‍ය වාර්තා කරයි.

ඔහුගේ ප‍්‍රකාශකයෙකු උපුටා දක්වමින් එම පුවතේ දැක්වෙන්නේ වෛද්‍ය පරීක්ෂණය කටයුත්තක් සදහා ගිය අවස්ථාවේදී හෘදයට රුධිරය සපයන නාල තුනක අවහිරතාවන් ඇති නිසා ඒවා සැත්කමක් මගින් ඉවත් වල යුතු බව වෛද්‍යවරුන් දැන්වූ බවයි.

ඒ අනුව ගෝඨාභය රාජපක්ෂට මෙම ශල්‍යකර්මය සිදුකර ඇත.

ශල්‍යකර්මය අවසන්ව දැනට සාමාන්‍ය වාට්ටුවක පසුවන ඔහුට දෙසතියක පමණ කාලයක් විවේකයෙන් ගත කළ යුතු බව වෛද්‍යවරුන් නිර්දේශ කර ඇත.

ඉන් අනතුරුව හෘද සැත්මකදී සිදු කරන ආකාරයට මාස තුනක පමණ කාලයක් සුළු ව්‍යායාම ආදිය කිරීමට නියම කර ඇතැයිද එම පුවතේ වැඩිදුරටත් දැක්වෙයි.

ඉදිරියේදී වෛද්‍යවරුන්ගේ නිර්දේශ මත ගෝටාභය රාජපක්‍ෂ මහතා නැවත ශ්‍රී ලංකාවට පැමිණෙනු ඇති බවද එම ප්‍රකාශකයා සඳහන් කර ඇති බවත් පැවසේ.

වෛද්‍ය වාර්තා කැඳවිය යුතුයි : නීතිඥයන් දන්වයි !

මේ අතර නීති ක්ෂේත්‍රයේ ප්‍රවීණයන් සඳහන් කරන්නේ මැදමුලන ඩී.ඒ.රාජපක්ෂ කෞතුකාගාරය හා ස්මාරකය ඉදිකිරීම සඳහා රුපියල් මිලියන 33.9ක රාජ්‍ය මුදල් අවභාවිත කිරීම සම්බන්ධයෙන් ගෝඨාභය රාජපක්ෂ ට එරෙහිව පවතින නඩුව ඔහුට අවාසිදායක බවය.

එබැවින් මේ නඩුව දිගින් දිගටම කල්යන තත්ත්වයක් පෙන්නුම් කරන බවත් මේ සැත්කම සත්‍යක්ද යන්න තහවුරු කර ගන්නට වහාම ඊට අදාළ වෛද්‍ය වාර්තා අධිකරණය විසින් කැඳවිය යුතුව ඇති බවත් ඔවුන් පෙන්වාදෙයි.

කෙසේවුවද මැදමුලන ඩී.ඒ.රාජපක්ෂ කෞතුකාගාරය හා ස්මාරකය ඉදිකිරීම සඳහා රුපියල් මිලියන 33.9ක රාජ්‍ය මුදල් අවභාවිත කිරීම සම්බන්ධයෙන් පවතින නඩුව ගෝඨාභය රාජපක්ෂට දේශපාලනිකව අවාසිදායක ලෙස බලපානු ඇති බවත් වාර්තා වෙයි.

ඊට අනුව මෙම නඩුව සුළු චෝදනාවක් සම්බන්ධයෙන් නොවන අතර එය අපරාධ ගණයට වැටෙන චෝදනාවකි. මේ නඩුවෙන් බේරීම සඳහා ගෝඨාභය නොකළ දෙයක් නැත.මේ නඩුව සම්බන්ධයෙන් ඔහුව අත්අඩංගුවට ගැනීම වළක්වා ගැනීම සඳහා මුලින්ම ශ්‍රේෂ්ඨාධිකරණ නියෝගයක් ලබාගත්තේය. ඒ නිසා ඔහු අත්අඩංගුවට ගැනීම සහ රිමාන්ඩ් බන්ධනාගාරගත වීම වැළකුණි.

මේවා සිදුවූයේ රාජ්‍ය මුදල් සාවද්‍ය ලෙස පරිහරණය සම්බන්ධයෙන් වෙනත් දේශපාලඥයන්ද රාජ්‍ය නිලධරීන්ද අත්අඩංගුවට පත්වී රිමාන්ඩ් බන්ධනාගාරගතවූ පසුබිමකය.

ඉන්පසු ගෝඨාභය රාජපක්ෂ මහතා උත්සාහ කරනු ලැබූයේ විශේෂ ත්‍රීපුද්ගල මහාධිකරණයේ මෙම නඩුව විභාග වීම වැළැක්වීමටය. ඒ සඳහා ඔහු අභියාචනාධිකරණයේ පිහිට පැතීය. එහෙත් ත්‍රීපුද්ගල මහාධිකරණය එම නඩුව ජූනි 19 සිට විභාගයට ගන්නා බවට තීරණය කළේය.

බැසිල් සූදානමින් !

කෙසේ වුවත් ගෝඨාභය රාජපක්ෂට කිසියම් අවස්ථාවක මේ සම්බන්ධව ප්‍රශ්නයක් පැනනැගුන හොත් ජනාධිපතිවරණය සඳහා ඉදිරිපත්වීමට රාජපක්ෂ පවුල නියෝජනය කරමින් පොහොට්ටු පක්ෂයේ නිර්මාතෘ බැසිල් රාජපක්ෂ සූදානමින් සිටින බවත් වාර්තා වෙයි.

ඔහුද ඇමරිකානු - ශ්‍රී ලංකා ද්විත්ව පුරවැසියෙකු වන අතර එන ඕනෑම තත්ත්වයකට මුහුණදීම සඳහා ඇමරිකානු පුරවැසිභාවය ඉවත්කර ගැනීමට ඉල්ලුම් කර ඇති බවත් වාර්තා වී තිබේ.

No comments:

AD S

Info Sri Lanka News | Sinhala

info sri lanka news, infosrilankanews, info sri lanka, infosrilanka, infolanka, infolankanews, info lanka news, info lanka news room, info lanka sinhala, sinhala news sri lanka, lanka info sinhala, breaking news sri lanka, sri lanka, sri lanka breaking news, news lanka
Powered by Blogger.