ISIS ලංකාව හා ඉන්දියාව දෙසට හැරෙයි: රුසියාවෙනුත් හෙළිදරව්වක්!


ඉස්ලාම් රාජ්‍ය ත්‍රස්ත සංවිධානයට සිරියාව හා ඉරාකය අහිමිවීම හේතුවෙන් ඔවුන්ගේ අවධානය ඉන්දීය සාගර කලාපය දෙසට යොමුව ඇති බවත් ඒ අනුව ශ්‍රී ලංකාව හා ඉන්දියාව මේ හේතුවෙන්  තර්ජනයකට ලක්ව ඇති බවත් ඉන්දීය බුද්ධි අංශ වාර්තා අනතුරු අඟවා ඇති බව ඉන්දීය මාධ්‍ය වාර්තා කරයි.

ඉන්දියාවේ රාජ්‍ය බුද්ධි අංශය මේ සම්බන්ධයෙන් කේරළයේ ඉහළ පොලිස් නිලධාරීන්ට ලිපි තුනක් යොමුකරමින් දන්වා ඇති බව ඉන්දීය මාධ්‍ය වාර්තා කරයි.

මෙහිද එක් ලිපියකින් ඉන්දියාවේ කෝචි හි සුප්‍රසිද්ධි සාප්පු සංකීර්ණයක් අයි.එස්. ප්‍රහාරයකට ල්කවිය හැකි බව දන්වා ඇත. තවත් ලිපියකින් දන්වා ඇත්තේ අයි.එස්. මතවාදී අදහස් ඇති පිරිස් තම රටවල් තුළ සිටිමින් ජිහාඩ් පන්නයේ සහාසික ක්‍රියාකාරකම් සිදුකිරීමට උත්සාහ කරන බවයි.

ඉන්දියාවේ කේරළ, තමිල්නාඩුව, ආන්ද්‍රා ප්‍රදේශය හා කාශ්මීරය අයි.එස්. ක්‍රියාකාරකම් වලින් වැඩි වශයෙන් බලපෑමකට ලක්ව හැකි ප්‍රදේශ බව ඉන්දීය ආරක්ෂක අංශයේ ඉහළ නිලධාරීන් සඳහන් කර තිබේ.

ඉස්ලාම් රාජ්‍ය ත්‍රස්තවාදීන්ගේ සන්නිවේදන මාධ්‍ය අතර ටෙලිග්‍රෑම් මැසෙන්ජර් ප්‍රධාන තැනක් ගත්තත් එහිදී තොරතුරු බාහිර පාර්ශ්වයන්ට හා හැකි වීම හේතුවෙන් විකල්ප ලෙස Chatsecure, Signal හා Slilent Text යන යෙදුම් භාවිත කිරීමට කටයුතු කරනු ඇති බවත් ඉන්දීය බුද්ධි අංශ අණාවරණය කරගෙත තිබේ.

ඉන්දියාවේ කේරළ ප්‍රාන්තයේ පමණක් 100කට අධික පිරිසක් ඉස්ලාම් රාජ්‍ය ත්‍රස්ත සංවිධානයට සම්බන්ධ වී ඇති බවත් 3000කට අධික පිරිසක් රැඩිකල් මතවාද දරණ බවත් දකුණු ඉන්දියාවේ උපදේශන සේවා සපයන මධ්‍යස්ථාන 21ක් පමණ ඇති බවත් ඉන්දියාව තොරතුරු වාර්තා කරගෙන තිබේ. කෙසේ වෙතත් ඉන්දීය ආරක්ෂක අංශ මේ වන විට මේ සම්බන්ධයෙන් විමර්ශන ආරම්භ කර තිබේ.

එසේම කේරළයේ මුහුදු වෙරළ දැඩි ආරක්ෂාවකට යටත් කර ඇති අතර ශ්‍රී ලංකාවට එල්ල වූ පාස්කු ප්‍රහාරයෙන් අනතුරුව ඉන්දීය ආරක්ෂක අංශ මේ වන විට පුද්ගලයන් 30ක් පමණ සමීපව පරීක්ෂා කරන බවත් ඉන්දීය ආරක්ෂක අංශ සඳහන් කරයි.

ශ්‍රී ලංකාවේ ප්‍රහාරය සැලසුම් කළේ IS - රුසියාව
   
මේ අතර රුසියාවේ පැවැති 10වැනි අන්තර්ජාතික ආරක්ෂක ගැටලු පිළිබඳ ඉහළ මට්ටමේ සාකච්ඡාවේදී රුසියානු ආරක්ෂක කවුන්සිලයේ නියෝජ්‍ය ලේකම් යුරී කෝකෝව් මහතා සඳහන් කර ඇත්තේ ශ්‍රී ලංකාවේ පාස්කු ප්‍රහාරය ඉස්ලාම් රාජ්‍ය ත්‍රස්ත සංවිධානය විසින් සැලසුම් කර ඇති බවයි.

“  විශේෂඥයින් තක්සේරුකර තිබෙනවා ශ්‍රී ලංකාවේ ප්‍රහාර අයිඑස් විදේශ යාන්ත්‍රණයේ ජාත්‍යන්තර ජිහාඩ් මතවාදය ඇති දේශීය කණ්ඩායමක් සිදුකළ බවට. මේ ප්‍රහාර සිදුකළ කණ්ඩායම දේශීය රැඩිකල් මතවාදය දරණ සිරියාවේ හා ඉරාකයේ අයි.එස්. සංවිධානය සමග යුද කළ පැමිණි කණ්ඩායමක්. ”

එසේම ඔහු පවසා ඇත්තේ අයි.එස්. ත්‍රස්තවාදීන්ගේ ප්‍රධාන මධ්‍යස්ථාන බවට මැදපෙරදිග, අප්‍රිකාව, දකුණු ආසියාව හා ගිණිකොණදිග ආසියාව පත්ව ඇති බවයි.

“ අතීතයේදී ඉස්ලාම් රාජ්‍ය ත්‍රස්ත සංවිධානය කිව්වේ තම අනුගාමිකයන්ට ඉරාකයට හා සිරියාවට පැමිණෙන ලෙසයි. දැන් ඔවුන් සිය අනුගාමිකයන්ට කියන්නේ තමන්ගේ රට තුළ සිටිම්න් ජිහාඩ් ක්‍රියාකාරකම් සිදුකරන ලෙසයි.”


“මේ අවධානය යුරෝපා සංගමයේ රටවලටත් තිබෙනවා. මේ වන විට නෙදර්ලන්තය, නෝර්වේ, ස්පාඤ්ඤය හා ප්‍රංශයේ ඔවුන් සිය ක්‍රියාකාරකම් සිදුකර තිබෙනවා. එයින් ඔවුන් යුරෝපයේ ත්‍රස්තවාදී ප්‍රහාර සිදුකිරීමට සූදානම් බව පෙනෙනවා.”

No comments:

AD S

Info Sri Lanka News | Sinhala

info sri lanka news, infosrilankanews, info sri lanka, infosrilanka, infolanka, infolankanews, info lanka news, info lanka news room, info lanka sinhala, sinhala news sri lanka, lanka info sinhala, breaking news sri lanka, sri lanka, sri lanka breaking news, news lanka
Powered by Blogger.