බැසිල් වෙනම ගේමක: පරාජය ගෝඨා පිටින් යවයි.


2015 ජනාධිපතිවරණය පරාජය වීමේ වගකීම තමන් භාරගත් නමුත් පසුව ඒ ගැන සොයා බැලීමේදී ඊට අදාල වෙනත් තොරතුරු ලැබුණු බව පොහොට්ටු පක්ෂයේ නිර්මාතෘ බැසිල් රාජපක්ෂ පවසයි.

පොහොට්ටු පක්ෂයේ සභාවක් අමතමින් බැසිල් රාජපක්ෂ මේ බව සදහන් කල ඇති අතර ජනාධිපතිවරණ පරාජයට අදාල එසේ සොයාගත් කරුණු කිහිපයක් ද ඔහු එම සභාව හමුවේ තැබීය.

එහිදී ජනාධිපතිවරණය පරාජය වීම සම්බන්ධව ජාතික රූපවාහිනී සංස්ථාවේ සහ ගුවන් විදුලි සංස්ථාවේ සේවක කණ්ඩායමක් සමග සිදුකළ සාකච්ඡාවකදී අනාවරණය වූ කරුණු ද ඔහු පැවසීය.

ඒ අදාල සංස්ථා සේවකයනට තේ පානය සදහා ලැබුණේ මිනිත්තු 15ක පමණ කාලයක් බවත් ඒ සමයේ තේ බීම සදහා බෞද්ධාලෝක පාරේ අනෙක් පසට යාමට කහ ඉර පැනීමට itn කාර්‍යාලය අසලට යාමට සිදුවූ බවත් කහ ඉරෙන් නොමැතිව වෙනත් ස්ථානයකින් පාර පැන්නොත් පැය ගණනක් පාරේ හිටුවීමට සහ නිවාඩු දිනවල පදිකවේදිකාව සම්බන්ධව පංති යාමට කැඳවූ තත්ත්වයක් ගැන ඒ සේවක සේවිකාවන් තමන්ට පැවසූ බවත් බැසිල් රාජපක්ෂ පැවසීය.

මේ වැනි දුෂ්කරතා හේතුවෙන් තමන් තේ පානයට යන විට ඒ සදහා ලබාදී ඇති කාලය අවසන් වන බවත් එවැනි දුෂ්කරතා නිසා තමන් 2015 ජනාධිපතිවරණය අවස්ථාවේ එවකට ජනාධිපති වූ මහින්ද රාජපක්ෂට එරෙහිව ජන්දය ප්‍රකාශ කළ බවත් එම සේවක සේවිකාවන් පැවසූ බවත් බැසිල් රාජපක්ෂ එහිදී සදහන් කළේය.

බැසිල්ගේ ගෝඨා විරෝධය යළිත් !

බැසිල් රාජපක්ෂගේ මේ ප්‍රකාශය හරහා පෙන්නුම් කරන්නේ ගෝඨාභය රාජපක්ෂ විසින් ඒ සමයේ දියත් කර තිබූ මිලිටරි පාලන හැසිරීම් පසුගිය ජනාධිපතිවරණය පරාජය වීමට බලපෑ හේතු අතර වන බවය.

පසුගිය කාලය පුරා රාජපක්ෂ පවුලේ බැසිල් - ගෝඨා ගැටුම 2020 ජනාධිපතිවරණය අභිමුව යළින් හිස එසවීමත් ලෙසද ඇතමුන් බැසිල් රාජපක්ෂ සිදුකළ මේ ප්‍රකාශක ගැන අදහස් දක්වයි.

මේ අතර පොහොට්ටු පාර්ශවයේ පක්ෂය නිර්මාණය කළ නිර්මාතෘ වූ බැසිල් රාජපක්ෂ දිගින් දිගටම ගෝඨා විරෝධයක් ඇවිලවීම කිසියම් දේශපාලන උපායක් විය හැකි බවත් දේශපාලන විචාරකයන් පෙන්වා දෙයි.

ගෝඨා ට බෑ !

ගෝඨාභය රාජපක්ෂට එරෙහිව ආණ්ඩු පාර්ශවය සතු බරපතල චෝදනා, විවේචන මෙන්ම නඩු කටයුතු සහ ජනාධිපතිවරණය ජයග්‍රහණය කිරීමට අත්‍යාවශ්‍ය වන සුළු ජාතික ජන්ද ලබාගැනීමට ගෝඨාභය අසමත් බවත් එබැවින් ඒ වෙනුවට රාජපක්ෂ පවුලේ විශ්වාසය දිනූ වෙනත් ජේෂ්ඨ දේශපාලනඥයකු ජනාධිපති අපේක්ෂකත්වය සදහා ඉදිරිපත් කිරීමට පොහොට්ටු පාර්ශවයේ අවධානය යොමුව ඇති බවත් දේශපාලන ආරංචි මාර්ග සදහන් කරයි.

ගෝඨාට දෙනවා කියලා කිව්වේ නෑ - මහින්ද

මේ අතර මීළඟ ජනාධිපතිවරණය සඳහා පොහොට්ටු පාර්ශවයේ අපේක්ෂකයා ලෙස ගෝඨාභය රාජපක්ෂඉදිරිපත් කරන බව තමන් කිසිදු විටෙක පවසා නොමැති බව විපක්ෂ නායක මහින්ද රාජපක්ෂ පවසයි.

බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවති වැඩසටහනකින් අනතුරුව මාධ්‍ය වෙත අදහස් දක්වමින් විපක්ෂ නායකවරයා මේ අදහස් පළ කළේය.

කෙසේ වුවත් පොහොට්ටු පාර්ශවයේ බහුතරයක් පවසා සිටින්නේ සිය ජනාධිපති අපේක්ෂකයා ගෝඨාභය රාජපක්ෂ බවය.

ගෝඨාට සුළුජන ජන්ද නෑ !

දේශපාලන ආරංචිමාර්ග සඳහන් කරන්නේ පොහොට්ටු පක්ෂයේ නිර්මාතෘ බැසිල් රාජපක්ෂ මෙන්ම ඔහුගේ උපදේශකයන් (තින්ක් ටෑන්ක්) අවස්ථා ගණනකදී පෙන්වා දී ඇත්තේ ජනාධිපතිවරණයක් ජයග්‍රහණය කිරීමට නම් සුළුජාතික ජන්ද ලබාගැනීම අත්‍යාවශ්‍ය කරුණක් වන බව විපක්ෂ නායක මහින්ද රාජපක්ෂ ඇතුළු එම පාර්ශවයේ නායකයන්ට අවධාරණය කර ඇති බවය. එසේ නොමැතිව කිසිම ආකාරයකට ජනාධිපතිවරණයක් ජයග්‍රහණය කිරීමට හැකියාවක් නොමැති බවත් ඔවුන් පෙන්වා දී තිබේ.

ගෝඨාභය රාජපක්ෂ පිරිවරා සිටින විශ්‍රාමික හමුදා නිලධාරීන් කිහිපදෙනා සහ අන්ත ජාතිවාදී කුඩා පක්ෂ නායකයන් ඔහු වටා සිටින තුරු ගෝඨාභය රාජපක්ෂට සුළුජන ජන්ද ආකාර්ශනය කරගැනීම සම්බන්ධව විශ්වාසයක් නොමැති බවත් ඔවුන් පෙන්වා දී ඇතැයි වාර්තා වෙයි.

බැසිල්ගේ සාකච්ඡා අසාර්ථකයි !

මේ අතර පසුගිය දින කිහිපයේ උතුරු නැගෙනහිර ක්‍රියාත්මක සුළුජන පක්ෂ සමඟ ඉදිරි සන්ධානයක් වෙනුවෙන් සාකච්ඡා කිරීමට බැසිල් රාජපක්ෂ උත්සාහ ගෙන තිබුණත් ඒ සාර්ථකවී නොමැති බවත් දේශපාලන ආරංචිමාර්ග සඳහන් කරයි.

ඉතාම කුඩා පක්ෂ සහ සංවිධාන කිහිපයක නියෝජිතයන් කිහිපදෙනෙකු පමණක් එම සාකච්ඡා සඳහා පැමිණ ඇති නමුත් ඒ කිසිවක් උතුරු නැගෙනහිර ජන්ද සම්බන්ධව තීරණාත්මක බලපෑමක් කල හැකි පක්ෂ හෝ කණ්ඩායම් නොවන බව එම පාර්ශවයේ තක්සේරුව වී තිබේ.


මේ ආකාරයට සාකච්ඡාවක් සඳහා හෝ සුළුජාතික පක්ෂ එක්කර ගැනීමට නොහැකිව ඇත්තේ පොහොට්ටුව සමඟ එක්ව සිටින ජාතිවාදී කොටස් වල බලපෑම නිසා බවත් එකී පක්ෂ සිය පැවැත්ම වෙනුවෙන් සිදුකරන මේ කටයුතු නිසා ජනාධිපතිවරණය වෙනුවෙන් බැසිල් රාජපක්ෂ සකස්කළ සැළසුම් නිසිලෙස ක්‍රියාවට නැංවීමේ දුෂ්කරතාවක් මතුව ඇති බවත් වාර්තා වෙයි.

No comments:

Ad
Powered by Blogger.