Ad

ගෝඨාගෙන් විමල්ට කුණු බැණුම්!

     
පරිසර හිතකාමී ජනාධිපතිවරණ ප්‍රචාරක ව්‍යාපාරයක් පවත්වාගෙන යන බවට තමන් ජනතාවට පොරොන්දු වී සිටියදී තමන්ගේ රුව යොදාගෙන දිවයින පුරා ජාතික නිදහස් පෙරමුණේ ප්‍රචාරක පෝස්ටර් ඇලවීම සම්බන්ධයෙන් ගෝඨාභය රාජපක්ෂ මහතා විසින් පාර්ලිමේන්තු මන්ත්‍රී විමල් වීරංශ මහතාට තරයේ අවවාද කර ඇතැයි වාර්තා වේ. 

ගෝඨාභය රාජපක්ෂ මහතාගේ අපේක්ෂකත්වය ප්‍රකාශයට පත් කෙරුණු අගෝස්තු 11 වනදා රාත්‍රියේ මෙම පෝස්ටරය දිවයිනේ බොහෝ ස්ථානවල අලවා තිබුණු අතර පසුදා විමල් වීරවංශ මහතා විසින් මෙම පෝස්ටරය ඇලවීම පිළිබඳව සිය ෆේස්බුක් පිටුවේ ඡායාරූප පළ කර තිබුණු අයුරුත් ඊට ජනතාව දක්වා තිබුණු ප්‍රතිචාරත් සම්බන්ධයෙන් ගෝඨාභය රාජපක්ෂ මහතාගේ මැතිවරණ ප්‍රචාරක කටයුතු නිරීක්ෂණ ඒකකය විසින් ඒ මහතාව දැනුවත් කර ඇත. 

ඒ අනුව වහාම, ඒ මොහොතේම විමල් වීරවංශ මන්ත්‍රීවරයාට දුරකථන ඇමතුමක් ගෙන ඇති ගෝඨාභය රාජපක්ෂ මහතා "මොකද්ද මේ කරලා තියෙන්නෙ ? මේක හරිද ? මං පරිසර හිතකාමී මැතිවරණ ව්‍යාපාරයක් ගැන ජනතාවට පොරොන්දු දීලා පැය ගාණක් යනකොට ඔයාලා ඒක කඩනවා. මොකද්ද මේකෙ තේරුම ?

මං තමා අපේක්ෂකයා. ඒක සියලුම ප්‍රයිවට් ටීවී චැනල්වල ලයිව් පෙන්නුවා. තව ෆේස්බුක් ලයිව් දුන්නා, යූ ටියුබ් චැනල් බර ගාණක ලයිව් දුන්නා. අනිත් සෝෂල් මීඩියාවලත් අපි කැම්පේන් කළා. මිනිස්සු රතිඤ්ඤා පත්තු කළා. කිරිබත් කෑවා. හැමෝම දන්නවා මමයි අපේක්ෂකයා කියලා. ආයෙ ඔයාගෙ පෝස්ටරයක් ඕනෙ නෑ ඕකට. 

ඔයාලට ගාණක් නෑ, මේකෙන් හානිය වෙන්නෙ මට. මිනිස්සු හිනා වෙන්නෙ මට. වචන දෙකේ මිනිහෙක්ය කියලා මිනිස්සු හිතන්නෙ මං ගැන.

අනික මං ශ්‍රී ලංකා පොදුජන පෙරමුණේ අපේක්ෂකයා මිසක් ජාතික නිදහස් පෙරමුණේ අපේක්ෂකයා නෙවෙයිනෙ. ඔයාගෙ පක්ෂෙ ප්‍රචාරක වැඩ ඔයා ඕනෙ එකක් කරගන්න, ඒකට මගෙ ෆොටෝ දාගෙන මාව විහිළුවක් කරවන්න එපා. 

තේරුණා නේද ? ඔයා මේක සත්භාවයෙන් කළා වෙන්න පුළුවන්. ඒත් අර කඩුව ගත්තු වඳුරා වගේ හැසිරෙන්න එපා. මට මේක ආයෙ ආයෙ කියන්න බෑ, ආයෙ මට මේවා දකින්න තියන්නත් එපා" යනුවෙන් තදින් අවවාද කර තිබේ.

මෙහිදී විමල් වීරවංශ මන්ත්‍රීවරයා ද "නෑ සර්, මේ දැන්වීම් පුවරුවල විතරයි. තාප්පවල ඇලෙව්වෙ නෑ ..." යනුවෙන් යමක් කීමට උත්සාහ කරද්දී කෝපයට පත් ගෝ‍ඨාභය රාජපක්ෂ මහතා "දැන් මං එක සැරයක් කිව්වනෙ ? මොන පුවරුවකවත් මොකුත් එපා ! කතාව එච්චරයි. කැම්පේන් කරන හැටි මගෙ ටීම් එක කියලා දෙයි, ඒ කියන විදියට වැඩ කරපුවාම ඇති" යැයි වේගයෙන් පවසා දුරකථනය විසන්ධි කර ඇති බව ද සඳහන්. 

No comments:

AD S

Info Sri Lanka News | Sinhala

info sri lanka news, infosrilankanews, info sri lanka, infosrilanka, infolanka, infolankanews, info lanka news, info lanka news room, info lanka sinhala, sinhala news sri lanka, lanka info sinhala, breaking news sri lanka, sri lanka, sri lanka breaking news, news lanka
Powered by Blogger.