ගෝඨාගේ පුරවැසි බවේ අර්බුදය යළි ඇදෙයි: තීන්දුව අරන් වියන්ගොඩලා ‌ශ්‍රේෂ්ඨාධිකරණයට යයි


ශ්‍රී ලංකා පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතාගේ ශ්‍රී ලාංකික පුරවැසිභාවය අභියෝගයට ලක්කරමින් ගොනු කළ රිට් පෙත්සම නිෂ්ප්‍රභ කිරීමට අභියාචනාධිකරණය කළ නියෝගය අභියෝගයට ලක්කරමින් මහාචාර්ය චන්ද්‍රගුප්ත තේනුවර සහ ගාමිණී වියන්ගොඩ යන මහත්වරු අද (13) ශ්‍රේෂ්ඨාධිකරණයේ අභියාචන පෙත්සමක් ගොනු කළහ.
ගෝඨාභය රාජපක්ෂ මහතාගේ ශ්‍රී ලාංකික පුරවැසිභාවය නිසි ආකාරයට ලබා ගෙන නොමැති බව පවසමින් ගොනු කළ රිට් පෙත්සම විභාගයට නොගෙන ප්‍රතික්ෂේප කිරීමට පසුගිය ඔක්තෝබර් මස 04 වැනිදා අභියාචනාධිකරණයේ සභාපති විනිසුරු යසන්ත කෝදාගොඩ ප්‍රමුඛ ත්‍රිපුද්ගල විනිසුරු මඩුල්ලක් නියෝග කර තිබිණ.
අභියාචනාධිකරණය දුන් තීන්දුව දෝෂ සහිත බැවින් එම තීන්දුව බල ශූන්‍ය කර පෙත්සම්කරුවන් ඉල්ලා ඇති සහනයන් ලබා දෙන ලෙසට මෙම අභියාචන පෙත්සමෙන් ‌‌තේනුවර සහ වියන්ගොඩ යන මහත්වරුන් ඉල්ලා ඇත.

No comments:

Ad
Powered by Blogger.