චානුක රත්වත්තේට පණවා තිබූ විදෙස් ගමන් තහනම ලිහිල් කරයි.


චානුක රත්වත්තේ මහතාට පණවා තිබෙන විදෙස් ගමන් තහනම ජනවාරි මස 15 වන දක්වා ඉවත් කිරීමට කොළඹ මහාධිකරණය අද(02) නියෝග කළේය.
මෙම නඩුව අද කොළඹ මහාධිකරණ විනිසුරු විකුම් කළුආරච්චි මහතා ඉදිරියේ කැඳවනු ලැබුවේය.
එහිදී විත්තිකාර චානුක රත්වත්තේ මහතා වෙනුවෙන් පෙනී සිටි නීතිඥවරුන් අධිකරනය හමුවේ කරුණු දක්වමින් තම සේවාදායකයාට විදේශගතවීම සඳහා අවශ්‍යතාවක් මතුව තිබෙන බවත් ඒ සඳහා දැනට අධිකරණය මගින් පනවා තිබෙන විදේශ ගමන් තහනම ජනවාරි මස 15 වනදා තෙක් ඉවත් කිරීමේ නියෝගයක් නිකුත් කරන ලෙස ඉල්ලා සිටියේය.
එම ඉල්ලීම පිළිගත් විනිසුරුවරයා විත්තිකාර රත්වත්තේ මහතාට පනවා තිබෙන විදේශ ගමන් තහනම ජනවාරි මස 15 දක්වා ලිහිල් කිරීමට නියම කළේය.
 මෙම නියෝගය පිළිබඳව ආගමන හා විගමන පාලකවරයා දැනුවත් කිරීමට පියවර ගන්නා ලෙස ද අධිකරණය එහි රෙජිස්ට්‍රාර් වරයාට නියම කළේය.
කෙසේ වෙතත් මෙම නඩුවේ ලේඛන වලට අදාළව ප්‍රකාශ කිරීමට නියමිත නියෝගයක් ලබා දීම සඳහා නඩුව නැවත දෙසැම්බර් මස 13 වනදා කැඳවීමට ද විනිසුරුවරයා නියම කළේය.
ශ්‍රී ලංකා මහ බැංකුවේ අනුමැතියකින් තොරව එන් ට්‍රස්ට් සිකියුරිටිස් පීඑල්සී නැමති මූල්‍ය සමාගමක් පවත්වාගෙන යාම තුළින් වරදක් සිදුකර ඇතැයි චෝදනා කරමින් චානුක රත්වත්තේ මහතා ඇතුළු විත්තිකරුවන් හයදෙනෙකුට එරෙහිව නීතිපතිවරයා මෙම නඩුව පවරා තිබේ.

No comments:

Ad
Powered by Blogger.