Ad

උද්ඝෝෂණ පිටුපස සිටින දේශපාලන හස්ත ගැන බුද්ධි වාර්තාවක්..


කොළඹ කේන්ද්‍ර කරගෙන එක්වරම ව්‍යාප්ත වෙමින් තිබෙන උද්ඝෝෂණ රැල්ල පිටුපස සිටින සංවිධානාත්මක දේශපාලන හස්ත හා ඔවුන්ගේ අරමුණු පිළිබඳ සියලු රහස් බුද්ධි වාර්තාවන් රජයට ලබාදී ඇත.
රට අස්ථාවර කිරීමේ අරමුණින් මෙම උද්ඝෝෂණ පැවැත්වෙන බවට අනාවරණය වීමත් සමග ස්කොට්ලන්යාඩ් පොලිසියේ විශේෂ පුහුණුව ලත් පනහක කණ්ඩායමක් ඊයේ (12වැනිදා) සිට කොළඹට කැඳවා ඇත.
සහකාර පොලිස් අධිකාරිවරයකු ඇතුළුව බ්‍රිතාන්‍ය රජයේ ආධාර ඇතිව විශේෂ පුහුණුව ලත් පොලිස් කණ්ඩායමක් මේ සඳහා අනුයුක්ත කර ඇත.
ඉකුත් දෙසැම්බර් 01 වැනිදා සිට මේ සතිය දක්වා කොළඹ නගරයේ උද්ඝෝෂණ හතළිස් එකක් සංවිධානය කර ඇතැයි අනාවරණය වී තිබේ.
මෙම උද්ඝෝෂණ මෙහෙයවීම පසුපස විදෙස් රටක න්‍යාය පත්‍රයකට ක්‍රියාත්මක වන දේශපාලන හස්තයක් හා සරසවිවල දේශපාලන බලය ඇල්ලීමේ අරමුණින් ක්‍රියාත්මක සංවිධාන සිටින බව අනාවරණය කරගෙන තිබේ.
කොළඹදී පසුගිය රජය සමයේ එච්.එන්.ඩී.ඊ. සිසුන්ගේ උද්ඝෝෂණයකට පහරදී ඔළු පැලීමේ සිද්ධියෙන් පසුව බ්‍රිතාන්‍ය රජය ශ්‍රී ලංකා පොලිසියේ සහකාර පොලිස් අධිකාරිවරයකු ප්‍රධාන පොලිස් පරීක්ෂකවරුන් දෙදෙනකු ඇතුළු විශේෂිත කණ්ඩායමකට ස්කොට්ලන්තයේදී හා කළුතර පුහුණු පාසලේදී පුහුණුව ලබාදී තිබිණි.
එහෙත් පසුගිය රජය එම පුහුණුව ලත් කණ්ඩායම් පසෙක දැමීම නිසා බ්‍රිතාන්‍ය පාර්ලිමේන්තුවේදී ද ශ්‍රී ලංකා රජයට චෝදනා එල්ල විය.
මෙම පුහුණුව ලබාදුන්නේ බ්‍රිතාන්‍ය රජයේ වියදමිනි.

No comments:

AD S

Info Sri Lanka News | Sinhala

info sri lanka news, infosrilankanews, info sri lanka, infosrilanka, infolanka, infolankanews, info lanka news, info lanka news room, info lanka sinhala, sinhala news sri lanka, lanka info sinhala, breaking news sri lanka, sri lanka, sri lanka breaking news, news lanka
Powered by Blogger.